كيف تساعد طفلك على بناء ثقته بنفسه واحترامه لها ؟

* احترمه .. اصغي له .. قدره .. اشكره .. اعتذر له .. امدح مزاياه
* لا تبالغ في تقدير أخطائه .. ساعده على إصلاحها علمه بلا توبيخ ولا سباب
* لا تشتكي منه للأقارب والمعارف
* لا تناديه بصفة سلبية وإن كانت فيه حتى لا تدعمها .
* لا تعرضه لعقوبات مستمرة
* زر مدرسته مرة شهرياً وساعد معلميه على تفهمه احترامه
* كافئه بالرحلات والكتب وأدوات تبرز مواهبه ( ألوان - ألات موسيقية - اسطوانات - ملابس رياضية - برمجيات - ألعاب .. إلخ )
* لا تكافئه دائما بالمال فتزرع فيه قيم مادية تخفض تقديره الذاتي وبناءه الأخلاقي .. الأطفال يسعدون بالاحتضان والفرح بهم والتهنئة ونحن الأباء من نعلمهم أن المال مقابل التميز وفي ذلك خطر على قيمهم .
* اعطيه مال بقدر حاجته كباقي الاطفال كإجراء عادي يومي
* لا تكافئه دائما بالاطعمة والحلويات حتى لا يتعلق بهم بشكل إدماني فيضر صحته .
* اجعل له رأي في بعض أمور الأسرة التي تناسب عقله وعمره

العناد عند الأطفال

بالنسبة لمشكلة العند...أمر وارد وعند معظم الأطفال..لكن خليني اعرف حضراتكم معلومات مهمة ولازم نخليها في اعتبارنا .

1- الأمر الأول :أن العند يدل علي شخصية استقلالية ولها رأي وإرادة ولها شخصية ...ولا يحب أحد أن يتحكم فيه أو يأمره بشكل مستمر ...وهذا الصفة قد تكون متعبة ولكنها مهم وجودها ولها مزايا كبير جدا علي مستقبل شخصية طفلك
2- الأمر الثاني : إن العند بيكون واضح عند الأطفال حتي سن 5 :12 ثم يقل تدريجيا وأحيانا يتلاشي بعد هذه السن ..فهو ليس دائما .
3- الأمر الثالث :الطفل يتاثر بالأم العندية أو الأب العندي ...بشكل كبير فلو الأم عصبية باستمار أو الأب شديد وعندي فالطفل يكتسب العند والعصبية منكما بشكل لا إرادي .
4- الأمر الرابع : العند قد يكون بسبب طلبات واوامر الأم أو الأب الكثيرة خاصة عن الطفل الأكبر دائما الام تعتمد عليه في طلبات البيت وخدمة باقي اخواته ،فيكره نفسه ويكره اخواته .
5- الأمر الخامس :لا نسمى العند عندا إلا عندما يتكرر رفض الطفل في مواقف كثيرة ، وليس لمجرد رفضه (مرة او اثنين او ثلاثة) لفعل لا يحبه .
6- الأمر السادس :الضرب والصراخ والتعنيف يزيد الأمر ويحول الطفل إلى كذاب او محتال أو منتقم من أخوته او جبان كبير .... وفي العادة الطفل العندي لا يشعر بالضرب .
:
:
:
طيب قدم لينا حلول :
1- قللي من الأوامر وتجنبي الأموار التي قد يرفضها الطفل فلا تكثيري من الصدامات .
2- خلي اوامرك فيها اختيارات ...يعني مثلا هتنام دلوقتي ولا بعد نص ساعة ...هيقول بعد نص ساعة.... تعالي بعد نص ساعة وقوليه انت اللي قلت ولاتقبلي بعدها التفاوض وتحلي بالحزم
3- اكثري من مجال الحرية لطفلك ..فدائما اطلبي رايه في اشياء تخصه او تخص البيت ...مثال ايه رايك نتغدي ايه بكره ...
4- حددي الاشياء المتكررة والتي يعاندك فيها ، وضعي لها قواعد والتزمات بالاتفاق معه... ولاتقبلي بعدها التفاوض وتحلي بالحزم.
5- معذرة في اللفظ ..تعاملي مع طفلك ببرود شديد ..وذلك عند ما يرفض امرك فتحرميه من اشياء يحبها فتجاهلي بكاؤه ولا تعيريه اهتماما ..لان الطفل العنيد( القط ) أحيانا كثيرة بيحب خناقه( كما في المثل) .
6- وأخيرا ...ادعو لطفلك ولا تدع عليه ..
7- احيانا كثيرة... عليكى أن تجعلي طفلك يتحمل مسئولية خطأه وعدم سماع الكبار ..فلو كسر اللعبة عمدا مثلا ..سوف يحتاج للعبة أخري وساعاتها ضعي شروطك وقوليه أنت بتكسرها بالعمد ولا تسمع كلامي..
8- احيانا لو أفسد الطفل شئ لا بد أن تجبريه بإصلاحه ..وأحيانا اتركيه يعمل شئ ويتألم منه حتي لا يرجع إليه ...
9- ركز ي مع طفلك علي أمر واحد وعلمه بالتدرج ان يقوم به وساعديه في انجاز هذا العمل مثال لو وسخ البيت بالأكل ..ساعديه ان يجمع بقايا الطعام ولو رفض شجعيه واحمليه لكي يقوم بالامر .
10- اغمري ابنك بمشاعر الحب والحنان ..وبالله عليكم اصبروا عليه ولا تبدوا اي مظاهر للكره للطفل لإنه هيحسها حتي لو مش هيقولها صراحة
11- أثناء غضب الطفل لابد من تفهم اسباب غضبه ومحاولة ازالتها ان امكن وأن تكونوا هادئين
12- لا نستجيب لطلبات الطفل بعد نوبات العناد من صراخ وبكاء لانه سوف يستخدم سلاح البكاء عند احتياجه لكل طلب يريده .

كل شيء عن التطعيمات

١. تطعيمات الصحة المصرية نعرفها بسرعة :

**شلل الأطفال(OPV) الجرعة الصفرية ،و الدرن (BCGالسّل) أول يوم .
**٦،٤،٢: الخماسى(دفتريا تيتانوس سعال ديكى انفلونزا بكتيرية كبدى 😎 + شلل الأطفال .
**٩ أشهر : شلل أطفال.
**١٢شهر: الثلاثى MMR(حصبة نكاف حصبة ألمانى) جرعة أولى+شلل أطفال .
**١٨ شهر : جرعة منشطة من الثلاثى (دفتريا تيتانوس سعال ديكى) و الجرعة الثانية والأخيرة من الثلاثىMMR(حصبة نكاف حصبة ألمانى)+شلل أطفال .

٢.التطعيمات الإضافية المشهورة، نعرفها بسرعة ، الروتا و المكور الرئوى والكبدى A والجديرى وطبعاً الإنفلونزا والالتهاب السحائى .

٣. التطعيمات الإضافية مهمة جداً ومش بزنس ولا حاجة !

٤. الروتا مهم جداً وبيقلل من شدة النزلات المعوية الحادة بنسبة ٨٥٪ ل ٩٥٪ ،، أول جرعة لازم تتاخد بين عمر (شهر ونصف) وبين (٤ أشهر و ٦ أيام) يعنى لو البيبي عدى ٤وأسبوع مياخدش الروتا وفيه منه نوعين روتاتك ٣ جرعات وروتاركس جرعتين بينهم شهرين ،، الاتنين بنفس الكفاءة ومفيش أبحاث مؤكدة تفضل واحد على التانى مع العلم ان آخر جرعة المفروض متعديش سن ال ٨ أشهر بأى حال من الأحوال.

٥. خلاص هتدّى ابنك الروتا ؟ ابنك معندوش نقص مناعة شديد مركب (SCID) ؟ متأكدة انه مجالوش انسداد معوى قبل كدة ؟ ولا عنده حساسية من اللاتكس (مطاط)؟ وقفتى الرضاعة قبل التطعيم ب نص ساعة - ساعة عشان البيبي يرضى يبلعه ؟ خلاص اخترتى النوع ؟ لأ ،، مينفعش تدّى الجرعة الأولى روتاتك والتانية روتاركس أو العكس ،، وبرضه متقلقيش من الانسداد المعوى ده نسبته نادرة ١-٤ : ١٠٠٠..!

٦. لو الحالة المادية تسمح ،،، ادّى كل التطعيمات الإضافية ،، تكلفة العلاج لو تعب لا قدّر الله أكتر بكتير من تكلفة التطعيم،، ده بغض البصر عن المضاعفات يعنى 😦

٧. الإنفلونزا الموسمى كمان مهم ، وبيحمى بإذن الله من ٩٠٪ من نزلات الانفلونزا ، أحسن وقت ايه شهر ١٠ و ١١ وإن كان ممكن يتاخد طول السنة ، لازم الطفل يعدى ٦ شهور ، وأول مرة بيتاخد جرعتين عضل مابينهم شهر ، بعد كده جرعة واحدة كل سنة ،، الأطفال اللى عندهم حساسية بيض شديدة يمتنعون ! أما طفح جلدى واحمرار خفيف مع البيض ياخدوه عادى

٨. المكور الرئوى (PCV) مهم جداً ، روتين ف أمريكا تحت ٥ سنوات ، ممكن يتاخد من سن شهر ونصف ، ٣جرعات بينهم شهرين وجرعة منشطة عند سنة ونصف ،، في نوعين بريڤينار (١٣سلالة) و سينفلوركس(١٠سلالات) ،، نظرياً بريڤينار بيغطى سلالات اكتر ، عملياً لسه محتاجين سنين لإثبات الفرق ،، بيحمى بإذن الله من التهابات الرئة و بعض أنواع الحمى الشوكية (السحايا) والتهابات الأذن الوسطى وبيدى مناعة من ٤٥-٧٥٪ .

٩. رأى شخصى :

أحسن مكان ابنك ياخد فيه التطعيم مركز المصل واللقاح بفروعه المختلفه ، وبعديه الدكتور بتاع طفلك لو بيدّى التطعيمات ،، مش كل الدكاتره بيدّوها ومش عيب ولا يقلل منه .

١٠. الكبدى A والجديرى أقل سن يتاخدوا فيه سنة ،، والجرعة التانية والأخيرة تتاخد عند سنتين (الكبدى A) أو ٤سنوات (الجديري ) أو قبل كده حسب الجدول.

١١. تطعيم الحمى الشوكية "meningococcal vaccine" مش مطلوب قبل سن سنتين الا لو في وباء منتشر او الطفل مسافر لمكان متفشي في الاوبئة فممكن يتاخد من سن شهرين كمان ! لو اتاخد عند سنتين تبقىالجرعة التانية عند ٧سنين ،، ولازم الطفل ميكونش جاله متلازمة "جيان بارى GBS" قبل كده ، بيحمى بإذن الله من التهابات المخ والحمى الشوكية البكتيرية .

١٢. تطعيم الدرن له جرعة منشطة عند ٤ سنوات بس لازم نعمل اختبار حساسية قبلها .

١٣. ينفع ادّى كل أنواع التطعيمات في نفس اليوم ، الأساسية والإضافية ، وده الأحسن على فكرة *.

١٤. ينفع أدّى كل التطعيمات الإضافية بعد أو قبل التطعيمات الأساسية ومش لازم فرق شهر إلا في حالة الجديرى المائى بعد تطعيم (MMR)، لو ماتاخدوش ف نفس اليوم لازم فرق شهر😈.

١٥.ينفع أدّى كل التطعيمات التى تعطى بالفم في نفس اليوم اللى ادّى فيه التطعيمات في العضل عادى خالص .!

١٦. صدمة⚡⚡⚡
ينفع أدى تطعيمين بالفم (شلل الأطفال و الروتا مثلاً ) في نفس اليوم أو بعد أو قبل ومش لازم فرق شهر ولا حاجة

١٧. لو اتأخرتى على معاد تطعيم طفلك مفيش أى مشكلة طعّميه ونكمل باقى الجرعات على أساس تاريخ التطعيم الجديد ، ومفيش داعى نزود جرعة ، ومش هيحصل أى ضعف في المناعة بعد إكمال الجرعات كلها نتيجة تأخير التطعيم *.

١٨. لو عاوزه تطعمى طفلك بدرى عشان ظروف السفر للخارج مثلاً فده ممكن بس ميكونش قبل أقل مسافة زمنية مسموحة بين الجرعتين ، يعنى أيوا ينفع تطعمى الخماسي ،٣،٢ بدل ،٤،٢ ،، وكل تطعيم ليه "أقل مسافة زمنية بين الجرعتين " خاصة بيه موجودة في اللينك دا http://www.cdc.gov/…/do…/appendices/A/age-interval-table.pdf

١٩. ليكى كمان "فترة سماح ٤ ايام"4days grace period ممكن تدّى فيها التطعيم قبل "أقل مسافة زمنية بين الجرعتين " ويبقى التطعيم صحيح وكل حاجة ابسطي يا ست الكل 😉

٢٠. لو مكان الحقنة "ورم" او "احمَرّ" أو"وجع البيبي" خلال ساعات فده عادى جداً وهيختفى بسرعه ،، مطلوب بس كمادات بارده و سيتال لمدة ٢٤ ساعة ،، الحرارة ورفض الأكل وال "همدان" وال"قريفة" مقبولة جداً لحد أقصى ٣ أيام غير كده نكشف .

٢١. تطعيم السنة "MMR" و"الجديرى المائى" بالذات مقبول خلال ٣-٢١ يوم ظهور أعراض زى نزلات البرد (رشح وزكام وكحة) خفيفة او طفح جلدى خفيف ،، متنسوش ان التطعيم ده أصلاً عبارة عن الڤيروس نفسه بس ضعيف جداً فممكن أعراضه تظهر بدرجة بسيطة،، منقلقش ومناخدش علاج.!

٢٢. لو حصل لطفلك حساسية من أى مكون من مكونات التطعيم وقفى الطعم للأبد😩

٢٣. صدمة ٢ ⚡⚡⚡
الجديد ان اللى عنده حساسية البيض ياخد MMR عادى.😈

٢٤. تدهور وظائف المخ(Encephalopathy) خلال ٧أيام بعد السعال الديكى مياخدش السعال تانى!

٢٥. اوعى الدكتور يدّى ابنك الروتا وهوا عنده مرض نقص المناعة الشديد المركب(SCID) أو جاله انسداد معوى قبل كده 😧.

٢٦. لو ابنك عيّط بشكل مستمر بلا توقف > ٣ ساعات ، أو اتشنج خلال ٣ أيام أوسخن > ٤٠ سلزيوس أو جاتله صدمة وهبوط خلال يومين من تطعيم الدفتريا والسعال والتيتانوس يبقى يوقف كل الجرعات اللى فيها سعال وياخد دفتريا وتيتانوس بس لغاية البلوغ .!

٢٧. صدمة ٣ ⚡⚡⚡

الأطفال اللى عندهم أمراض عصبية وتشنجات عشان أسباب تانية غير تطعيم السعال- صرع او شلل دماغ مثلاً- وحالتهم مستقرة ياخدوا تطعيم السعال الديكي عادى جداً

٢٨. أى مرض متوسط أو شديد نأجل التطعيم لما يخفّ (يعنى نزلة برد بسيطة عادي أو إسهال بسيط عادى يتطعم ) .

٢٩. العلاج بأجسام مضادة في الدم قبل تطعيم ال "MMR و الجديرى"برضه نأجل التطعيم لغاية ما يعدى ٣ أشهر وبعدين نطعّم.!

٣٠. نقص المناعة المؤقت ( علاج كيماوى أو كورتيزون مثلاً) نأجل تطعيم MMR و الجديرى و الروتا .

٣١. الطفل اللى بيتعالج بكورتيزون مبنعتبروش نقص مناعة الا اذا استمر ١٤ يوم او اكتر على بريدنيزون ٢مل/كجم يوميا أو >٢٠ مل يومياً شراب أو حقن ،، يعنى طفلك اللى بياخد اقل من كده جرعات او ايام أو بيبدل أيام آه وايام لأ او بخاخة حساسية أو دهان كورتيزون ده يتطعم عادى معندوش نقص مناعة.

٣٣. الأمراض الخفيفة كالتهاب الأذن الوسطى والبرد والإسهال البسيط وارتفاع الحرارة البسيط (لا يوجد رقم محدد) ابنك يتطعم معاها عادى والله 😎

٣٤. لو ابنك بياخد بمضاد حيوى يتطعم عادى ماعدا السبترين يقف قبل يومين من تطعيم التيفويد.👍

٣٥. ولو بياخد مضاد فيروسي زى (أسيكلوڤير وزوڤيراكس ) يتطعم عادى كل التطعيمات بس يقف قبل يومين من ال MMR "تطعيم السنة والسنة ونصف"

٣٦. حملات شلل الأطفال مهمة ، كل اما تلاقى حملة ارشقى ابنك فيها☺☺ ،، بشرط !! يكون عدّىٰ على تطعيم شلل الأطفال في الصحة شهر كامل قبل الحملة ومياخدش أى تطعيم شلل أطفال لمدة شهر بعدها ،، عشان منلخبطش جهاز المناعة ،، تمام ؟😉😉

٣٧. حقنة الكتف الشمال ( الدرن ) بتسيب خشونة خلال أسبوع أو أسبوعين ،، و"بثرة "-جزء مرتفع قليلا من الجلد خلال أسابيع لأشهر ،، لو ملقيتيش التفاعل ده عادى جداً مش لازم كل الأطفال يسيب أثر ،، ولو عمل خراج أو صديد أو حيل تحت الإبط أو حرارة عالية وكحة استشيرى الطبيب فوراً 😧

٣٨. مفيش بروتوكولات بتقول إجبارى إيقاف الرضاعة قبل ولا بعد التطعيم😈 ،، الموضوع على حسب الطفل لو البيبي بيرضع واستحالة يدخل حاجه ف بقه لما يشبع يبقى جوعيه شوية ولو بيقشط دايماً بعد الرضاعه مترضعيش لمدة نص ساعة لساعة عشان التطعيم يلحق يوصل للأمعاء قبل ما يرجّع 😀😀

انما اللى بيحصل دا مجااااعة 😂😂😂

٣٩. الأطفال المولودين قبل إكمال ٣٧ أسبوع "الخُدَّج" الصح انهم ياخدوا التطعيمات حسب العمر الزمنى ،، يعنى زى أى طفل مكتمل ، مع تأجيل اعطاء تطعيم الكبدى B حتى يبلغ ٢ كغم أو شهراً من العمر أيهما أسبق (ده طبعا في حالة الأم المصابة بڤيروس بي) .!

10 أشياء تذكريها لتتخلصي من عصبيتك على أبنائك

1- استعيذى بالله من الشيطان الرجيم عندما يفعل ابنك مايثير غضبكى

2- حينما يفعل ما يثير غضبكى اطلبى منه ان يذهب من امامكى الآن 
3- عنما يثير غضبك غيرى من وضع جسدك فإن كنتى واقفة فاجلسى وان كنتى جالسة فقفى او استلقى على السرير وهكذا
:
4- عندما يفعل ابنك مايثير غضبك تذكرى ان هذا طفل وهو اضعف منكى وأقل منكى حيلة فلا تظلميه ولا تستقوى عليه ولا تفردى عضلاتك عليه
:
5- عندما يفعل ابنك مايثير غضبك تذكرى ان كثير من الدراسات اثبتت ان الضرب والعنف يأتى بنتيجة عكسية مع معظم الابناء و فكري :- غضبي لن ينفع في تأديبه, غضبي سيزيده شغباً و عناداً و تمرداً . اللهم أعني على التحكم في أعصابي اللهم اشرح صدري
:
6- فكرى فى حجم المشكلة التى فعلها هل هى ربما حوار هادئ مع ابنكى يحل هذه المشكلة (فعلت كذا وهذا خطأ وارجو الا تكرره حتى لا تضايقنى ان كنت تحبنى ) واذا كان هذا السلوك يضر به او بغيره فلابد ان تقولى له ذلك وتفهميه له بشتى الطرق (لا ضرر ولا ضرار)
:
7- تذكري أنك محاسبة على هذا الطفل أمام الله قبل ان يحاسب هو عليكى
:
8- تذكرى ان الأم العصبية أكثر عرضة للأمراض النفسية والجسدية، وتزورها التجاعيد المبكرة، و(يكره) زوجها وأولادها صحبتها، كما ثبت من الدراسات العلمية أن أبناء الأم العصبية أكثر عرضة للأمراض.
:
9- تذكرى ان الامومة نعمة رائعة لا يشعر بها الا من حرم منها
:
10- تذكرأن الأبناء لا يتعمدون مضايقتكى سواء بإهمال المذاكرة، أو برفض تناول الطعام، أو بالامتناع عن تنفيذ الأوامر، فكل ما هنالك أن هناك اختلاف في الرغبات بينكما فاحترمى رغبته ثم تكلمى معه بهذدوء اما يقنكى او تقنعيه .

.................................................................................... آيات عايش

القراءة للرضع

القراءة للرضع:
- بالنسبة للرضع فإن صوتك هو أفضل كتاب، فاستماعهم إليك تتكلمين سوف يعلمهم كيف تعمل اللغة
- تأكد من أن تكون الكتب سهلة المنال وسهلة الحمل، ولا مانع أن يتعامل معها الطفل في هذا السن على أنها لعبة
- اجعل القراءة جزءًا من الروتين اليومي
- اختر الكتب ذات الألوان الساطعة لجذب انتباه طفلك. ويفضل أن تكون جلدة الكتاب سميكة وقابلة للمضغ خاصة بين سن ستة أشهر إلى اثنتي عشر شهرا
- قم بتشجيع طفلك على إصدار الأصوات وتفاعل معها بالابتسام والاستماع والحديث. كلما تمرن طفلك على إصدار هذه الأصوات كلما ازداد وضوح معناها
- لا تمل أبدًا من تكرار القصص والأغاني المفضلة. ارتباط الكتب بالمرح يزيد من المشاعر الإيجابية تجاه القراءة ويقوي من التطور اللغوي
- قف وقت أن تلاحظ علامات التعب أو الملل على طفلك

اخطر ما يمكن ان تفعله الام

اخطر ما يمكن ان تفعله الام . . .
عزيزتى الام اخطر ما يمكن ان تفعليه ويدمر نفسيه الطفل ويخلق كائن عدوانى او منطوى كارها لاخيه الاصغر هو

• العصبيه المفرطه مع طفلك الاكبر بحجه انك مرهقه ولا تحصلى ع قدر كافى من النوم بسبب الرضيع دائم البكاء
• الاهتمام المفرط بالرضيع وترك الطفل الاكبر او محاوله جعله يقوم باشياء كانت الام تفعلها له
• استخدام كلمه انت كبرت ولازم تعتمد على نفسك
• تكليف الطفل بمسؤليات للرضيع مثل مراقبته وغيرها

د شيماء رمضان

السلوكيات المنتقده من الطفل

بشكل كبير بيكون السلوكيات المنتقده من الطفل بسبب وجود طفل جديد ورغبتها فى جذب اهتمام الام والاب ليها لان الطفله فى هذه الحاله بتشعر بتركيز الام ع الرضيع وتشعر وكأن الام والاب بطلوا يحبوها لازم تهتمى بيها اكتر
على الجانب الاخر قللى البطاطس المحمرة والطماطم والمكرونات والكاتشب و عصير المانجو والفراوله والشكولاته لانهم بيزودو الحركه جدا وحاولى تستبدلى الحاجات دى بفواكه وخضروات قدر الامكان