متى يشرب الطفل الماء ؟

رد دكتوره رانيا السبكي على تساؤل: متى يشرب الطفل الماء ؟

مفيش شرب مياه قبل ماالطفل ياكل
وبعد ما ياكل بندى مياه برده بكميات محدوده يعنى من 120 ل 160 مل فى اليوم كله متزيدش عن كده وممكن توصل ل 200 مل فى الامساك وبسس
ليه بندق اوى فى المياه كده؟؟
لان جسم الطفل صغير جدااا ولسه اعضاؤه اللى بتتخلص من المياه الزياده وتتعامل معاها بتكتمل والمياه الزياده عن حاجته فعلا ممكن تؤذيه وتعمل مشاكل فى توازن المياه والاملاح فى جسمه لدرجه ان فيه حاجه اسمها التسمم بالمياه

خلال الأشهر الأولى وقبل البدء في إطعام الرضع الأطعمة الصلبة تتواجد كمية من المياه بالفعل في حليب الأم أو الحليب الصناعي عادة ما توفر كل كمية المياه التي يحتاجونها للنمو وتحل محل المياه التي تفقد عادة خلال البول، البراز، والجلد والرئة وبشرب الكثير من المياه يمكن أن يسبب تسمم المياه عند الأطفال الرضع، ففي كل مرة يتبول الطفل، يفقد الصوديوم والأملاح والمعادن الأخرى مع الماء. وخلافاً للبالغين، الذين يستطيعون الحصول على الكثير من الصوديوم من الوجبات الغذائية فإن الرضع لا يستطيعون تعويض هذه المفقودات إلا من خلال حليب الأم أو الحليب الصناعي، لذلك فالكثير من المياه يسبب فقدان الكثير من الصوديوم لدى الرضع دون تعويض مناسب، وقد يسبب هذا انخفاض مستويات الصوديوم في الدم مما يؤدي إلى العديد من المشاكل الصحية"ده الى جانب ان الكليه بيكتمل نموها فالاملاح اللى موجوده فى المياه بتشكل ارهاق على الكلى للتخلص منها والمناعه اول شهور بتكون اضعف فبنفضل عدم تعريضهم لاى ملوثات لان المياه المعدنيه غير معقمه ومياه الحنفيه مليئه بالميكروبات التى لا نضمن التخلص منها بالغليان.

لما نشربهم نشربهم مياه من الحنفيه مغليه ومتبرده وياريت لو من فلتر
المياه تغليها وتكون مغطيها عشان متزودش تركيز الاملاح فيها
بلاش طبعا مياه مباشرة من الحنفيه بدون غلى فى اول سنه من عمره وبلاش ميه معدنيه لان المياه المعدنيه فى مصر للاسف مش معدنيه واقرى هتلاقى مكتوب عليها مياه شرب طبيعيه مش معدنيه خااالص وغير معقمه واملاحها ليها تركيزات مش صح
اللى هيقوللى احنا بنعطش اشمعنى هما هاقوله احنا مش بنشرب لبن الام اللى معظم تركيزه اصلا مياه وربنا بيخلى تركيزها يزيد ويقل حسب احتياج الطفل ومتقارنيش ده باى لبن بنشربه احنا لبن الام مختلف تماما ربنا خلقه يناسب الطفل
واللى هتقولى {وجعلنا من الماء كل شئ حى} هاقولها عشان كده سبحانه خلق منه لبن الام ووظف تركيز المياه الصح فى وسط تكوين اللبن
الطفل اللى بيرضع طبيعى لا يمكن يعطش الا لو مبيرضعش كويس
ليه مبيرضعش كويس؟؟؟

• وضعيه رضاعه غلط
• استخدام اعشاب تحل محل رضعه
• تنظيم رضاعه كل ساعتين تلاته والطفل يجوع فى النص
• نديله تتينه تستهلك عنده طاقة المص
•  نملا بطنه باعشاب مالهاش اى لازمه او فايده ولو بتحليها فهى فعلا هتضره ضرر لا محاله
•  لو بتسيبى الطفل يعرق ويجيب مياه لانك للاسف ملبساه كتير او حرماه من التكييف او المروحه بحجه انهم هيضروه وده مش صح نهائياااا

منقول متى يشرب الطفل الماء