تغذية الأطفال أكبر من سنة

سجلى اكل ولادك واخر الاسبوع اتاكدى انهم فى وسط مااكلتيهم اكلوا:

......خضار يوميا ولو طماطم....

فاكهه يوميا....اسماك مرتين فى الاسبوع

بقوليات(حمص...فول...فاصويا...لوبيا...عدس)

حبوب كامله(البليله....العيش البنى)

حتى لو معلقه واحده من كل صنف على مدار الاسبوع

يعنى بدل ماياخد قطمة فينو خليها قطمه بلدى او توست بنى

بدل ماياخد بطاطسايه محمره خليها بطاطسايه بالبيض والخضار المبشور

بدل ما ياخد بسكوته خليها معلقه رزبلبن بالمكسرات المطحونه

بدل مايفطر لقمه جبنه خليها معلقه بليله فيشار ومكسرات مطحووووووووووونه ولازم مطحونه قبل السنتين (ولو سودانى...)

مصادر الحديد (كبده...موز او تفاح او كمترى...باذنجان بقول وحبوب)

الالبان والزبادى بس بشرط لسن مافوق السنه ميزيدش عن نص كيلو لبن فى اليوم وطبعا ممنوع خالى الدسم لااااازم يكون كامل الدسم

بيضه يوميااا وعسل ابيض

وطبعا لو ده مش بيحصل والبيبى بيرضع فده طبيعى حاولى بس تقللى الرضاعه شويه ولو منفعش يبقى تاكلى انتى كويس وهو تركزى معاه على مصادر الحديد لان لبن الام يفتقر الحديد وتروحى تعملى تحليل صورة دم ليه لانه متوقع يكون فيه انيميااا

عند السنه ونص او السنتين اللى فى الاول عشان ولادنا تنمو بشكل سليم لازم ناخد بالنا من حاجات مهمه

•  التغذيه السليمه المتوازنه اللى فيها حبوب كامله وفاكهه وخضار واسماك

• لاااازم يناموا بلليل لان هرمون النمو بيفرز بالليل وبيستفيدوا بيه لما تيجى الساعه 12 عليهم وهما نايمين للصبح وده طبعا بعد اول سنه ونص سنتين لان اول سنه معروف ان يومهم متشقلب وده طبيعى ومبياثرش عالنمو(النمو هو الطول والذكاء وكل حاجه مش بس الوزن)

• نبعد عن المقليات والمسبكات للاطفال ونلجا للمشويات والاكل الصحى

• افضل حاجه الطفل مياكلش اى سكريات بلليل نهااااااااائى لان اضرارها كتير جدا:الاول هو تسوس الاسنان ،التانى هو اضطرابات فى النوم وهيبرة الاطفال ،التالت والاهم هو ان اكل السكريات بلليل بيفرز فى الجسم هرمون بيضاد عمل هرمون النمو اللى بيفرز بلليل فبيخلى ولادنا ميكبروش كويس ....بالتالى الحلاوة والمربى والكيكات دول للفطار افضل عشا لولادنا تكون حاجات مبترفعش سكر الدم(يعنى نبعد عن السكريات والنشويات)وندى حبوب كامله او بروتين فى العشا وده افضل حاجه لنومهم ولصحتهم ولهرمون النمو زى ايه: عيش بنى....بليله بسكر قليل...شوفان...فول...زبادى او اجبان او بيض واى خضار او ثمرة فاكهه واحده وطبعا نستبدل السكر الابيض بالعسل

الولاد محتاجين تجديد وتنويع والاكل يتعمل باكتر من شكل

وعموما دى افكار للى مبيحبش نوعيات فى الاكل ممكن نخبيها فى اكل تانى وتتاكل وعموما كل فترة لازم نجرب لانهم بيغيروا رغباتهم واللى بيحبوه بيزهقوا منه واللى مبيحبوهوش بيرجعوا ياكلوه

اللبن ممكن يتعمل فى الكريب الحادق والبيض كمان وممكن فى الكريم كراميل او البليله او الشعريه باللبن او مكرونه باللبن او رز بلبن او بودنج الشوكولااا او شوربه الكريمه اللى ممكن اعملها بالجمبرى او البطاطس او كده من غير اى حاجه خالص دقيق ولبن وبس

البيض بيتعمل عجة خضار فى الفرن او مافن الخضار فى الفرن او بيتعمل اومليت بالجبنه الرومى والشوفان والزعتر بيبقى تحفه وبرده فى الكيكات اللى فى البيت طبعا مش من بره

الزبادى انا باضربه مع الفاكهه فى الخلاط وتحلى بعسل من غير مياه خااالص ويتحط فى قوالب الايس كريم وتبقى ايس كريم منزلى مفيد جداااا

الفراخ واللحمه والتونه للى مبيحبهمش كده انا باضربهم بعد ما يستووا طبعا فى الكبه مع بطاطس مسلوووقه وخضره بسيط وفلفل اخضر وبصل وبقسماط وتوابل وانعمهم واحطهم فى البيض والبقسماط واقليهم او فى الفرن ومدهونين طبقة زيت بسيط ويبقوا كفته ولا اروع ومش باين انهم فراخ او لحمه خااالص وممكن اضرب معاهم كمان حته كبده عشان القيمه الغذائية
                         منقول للفائدة