وصفات صحية لأكل البيبي

-لعمل لسان عصفور بشكل صحي للأطفال في مقلاة سيراميك أو تيفال غير مخدوش تماما حمصي اللسان العصفور بدون إضافة أي زيوت تماما مع التقليب المستمر حتى يصبح لون ذهبيا تمام وتكوني محضرة شوربة دجاج مفيدة جدا وتقوي الجسم تكون بتغلي انزلي بلسان العصفور واتركيه حتى ينضج 

لعمل وجبة مكرونة مغذية : تسلقي المكرونة 6 دقائق بدون ملح تماما ثم ترفعيها ضيفي  عليها كوسة مسلوقة  او جزرة مسلوقة  وفتفتي عليها صفار بيض وشوية سمسم (بروتين +نشويات +فيتامين سي +كالسيوم ممتازة جدا

الطريقة الصحية لعمل بطاطس محببة للكبار والصغار --بفرشاة خشنة نغسل البطاطس جيدا ثم نقطعها أصابع طولية تمام ثم في مياه تكون بتغلي جيدا أضع أصابع البطاطس 6 دقائق فقط ثم ارفعها من الماء (ملحوظة الماء يكون قليل حتى تظل محتفظة بقيمتها )واضعها في دقيق ثم صفار بيض فقط (لأن البياض ممنوع قبل سنة )ثم بقسماط ناعم وفي صينية الفرن أضع ورقة الزبدة ثم أضع أصابع البطاطس وادخلها الفرن ع درجة حرارة عالية في الوسط تحت الشواية حتى يصبح لونها ذهبي رائعة جدا لأبعد الحدود أول ما تخرج من الفرن ببخاخ زيت نباتي او زيت سمسم غنى بالكالسيوم ارش عليها رشة خفيفة 

طريقة عمل شوربة بروكلي بطريقة لذيذة وصحية للأطفال أقل من سنة--لوطفل ست شهور بلاش بصل أحمر دلوقتي خليه بعد العاشر --المكونات (بصلة كبيرة حمراء +كرفس أو بصل أخضر +كيس بروكلي 400 جرام سنأخذ نصفه فقط + 3 حبة بطاطس كبيرة +بدون ملح أكيد +توابل قليلة جدا +شوربة فراخ )-----الطريقة ---سخني الشوربة جيداا حتى تغلي انزلي بالبصل مكعبات كبيرة ثم انزلي بالكرفس مقطع صغير أو البصل الأخضرثم انزلي بالبطاطس المكعبات الكبيرة والتوابل القليلة اتركيهم مع بعض يغلوا 7 دقائق بالظبط وتكوني مغطية الحلة وعلى نار هادئة تمام بعد سبع دقائق انزلي بالبروكلي وقلبي 3 دقائق فقط واطفي النار وغطيهم دعيها تبرد ثم اخلطيها في الخلاط وبالهنا والشفا رائعة لأبعد الحدود لوطفل أكبر من سنة ممكن تضيفي عليها جبنة شيدر مبشورة ع الوش

طريقة عمل السمك لطفل عنده 10 شهور

-اولا --هنزع الرأس والذيل والامعاء الداخلية والقشر الخارجي لأنها أكثر أماكن بتتجمع فيها الظفارة  --واغسله جيدا بالماء فقط ---ثم في حلة استانلس اضع نصف كوب ماء سبق غليه وفيه جزرة مقطعة وكرفس أو بصل أخضر مقطع الجزء الأبيض منه بس واترك الماء يغلي ثم انزل بالسمك 5 --إلى 7 دقائق فقط ع نار هادئة هتلاقيه استوى بسرعة اهرسيه مع بطاطس وشوية كزبرة خضراء وجبة رائعة جدا عالية القيمة الغذائية

ممكن شوي السمك بكل تأكيد بدون ملح بدون ليمون بدون خل تماما قبل سنة – وممكن ع البخار وتحت المصفاة في المياه اللي بتغلي بنحط ليمون وعيدان الكزبرة الخضراء ممتاز جدا ---او شوي بدون ملح تماما ولا خل ولا ليمون

بطاطا بالمشمش المجفف بالنسبة للمشمش المجفف  هننقعه قبلها بليلة أو ليلتين في ماء سبق غليه ونحطه ف الثلاجة هيطري ثم نضربه في الخلاط ونضيفيه ع البطاطا او فاكهة أخرى

عمل عصير البنجر مع الجزر (المكونات بنجر+جزر مبشور +تفاحة كبيرة مقطعة بدون بذر ولا قشر +عصير تفاح ليحلي طعمه اكتر )اضربهم جميعا في الخلاط جيدا واصفيهم والطفل يشربه مترميش الألياف اللي صفتيها حطيها ع اكل الطفل او احفظيها ف علبة ف الفريزر لإضافتها ع اي سلطة او اكل للطفل فيما بعد

وجبة ملوخية متكاملة حضري شوربة فراخ وخليها تغلى وانزلي بالملوخية الخضراء المتخرطة جيدا وممكن يكون عليها فلفل رومي متخرط جيدا خليها تغلى مرة واحدة واطفي النار بدون ما تغطيها خالص وقدمي القليل منها لطفلك ع أرز مسلوق مثلا لأنها من الملينات وممكن تسبب إسهال 

ملحوظة : ممنوع تماما اي تقلية او ثوم متقلي بزيت عليعا او دهون داخلها---لو طفلك اول مرة يأكلها أكرر مرة أخرى يكفي 4 ملاعق ضغيرة ع الأرز حتى لا تسبب له إسهال

شوربة الذرة الحلوة للأطفال  (المكونات نصف كيلو صدور فراخ مسلوقة ومفصصة شرائح -----كوب شوربة فراخ بدون ملح ---كوب ذرة صفراء مسلوق نصف سلق تمام ---3 ملاعق كبيرة نشا مذابة في كوب ماء سبق غليه ---ورق بقدونس )

الطريقة (ع النار اضع الشوربة ف الحلة الاستانلس واتركها تغلي جيدا ثم انزل بالفراخ ثم الذرة الصفراء واتركهم ع نار هادئة حتى يغلوا واتركهم 5 دقائق بعد الغليان تمام ---ثم اطفي النار واتركها تبرد واخلطها ف الخلاط جيدا واخففها لو قوامها سميك اوي وارجعها ع النار واضيف النشا المذابة ف الماء واقلب جيدا حتى يتجانس الخليط مع تقليب الخليط باستمرار ضروري حتى لا تكلكع النشا ع نار هائة ثم اطفي النار واتركها مغطاة ثم انزل بالبقدونس ومكعب زبدة صغير وبالهنا والشفا (لو طفل بعد سنة ممكن اضيف جبنة مبشورة ع الوش