كلام الدكتورة رانيا السبكي عن الملح والسكر والعسل قبل سنة ليه ممنوع

مهم نعرف ان الملح والسكر اسمهم السموم البيضاء ومش صح نرهق الكبد والكلى للرضع بالحاجات دى وكمان نوجه حاسة التذوق للطفل ناحية طعم معين ...انتى شايفة ان الاكل مالوش طعم لكن هو لسه بيستطعم

ناخدهم حاجة حاجة الملح ممنوع لحد سنة وبعد سنة نحط ملح قليل وممكن عشان الاطفال تحب الاكل تحطيله شويه كمون او قرفة صغيرين او كرفس

السكر بقى ممنوع برده وبالذات للرضع لانه بيعمل مغص وعسر هضم ده غير انه ممكن يرفض اى حاجة تانيه مش مسكرة ويرفض اكل الخضار خااالص ويتعبك فى الاكل بعد كده طب نعمل ايه :
ولا حاجة متحطيش سكر عالاكل ممكن تخلطى الزبادى بفاكهة تحسن طعمه وسكر الفاكهة مفيش منه مشاكل اما الاعشاب اللى بتحطى عليها سكر لطفل عمره ايام عشان ياخدها فمالهاش لازمة لان السكر هيعمله مغص اكتر فيا إما ياخدها زى ما هى كده يا بلاش (ده غير ان الطب بيقول مالهاش لازمة عشان المغص بياخد فترة عمريه ويروح وله علاجات مفيش منها ضرر من غير الاعشاب اللى بتحل محل رضعة وممكن تقلل عدد رضعات الطفل وتقلل لبن الام وده اهم حاجة للطفل فى اول شهور عمره)

 العسل:ممنوع قبل سنه لان برده الطعم المسكر هيخلى الطفل يرفض حاجات كتير منها الرضاعه نفسها واكل الخضار وغيره وممنوووع عشان ممكن يعمل تسمم خطير لانه ممكن يتلوث باحياء دقيقة يصعب على امعاء الرضيع هضمها او التعامل معاها فيفضل عدم اعطاؤه قبل سنة