التطعيمات الاجبارية والاضافية للأطفال

ملحوظة 

• قد تم إضافة تطعيم الانفلونزا البكتيرية الى التطعيمات الاجبارية المجانية لمواليد2014 
• يجب ترك مدة لاتقل عن 10 أيام بين التطعيمات الاجبارية والاضافية
• لخفض الحرارة الناتجة عن التطعيم نعمل كمادات للطفل ونستخدم خافض الحرارة سيتال بالجرعة التي يحددها الطبيب

التطعيمات الاضافيه 
مطلوب نعرف 
عندى بيبى جديد 
محتاج ياخد ايه فى اول سنتين

المفروض
تطعيم الكبدى ب بعد الولاده علاطول علشان لو الام عندها اى مشاكل فيروسات الكبد يبقى دا وقائى للبيبى

الدرن فى اول 45 يوم

2 و 4 و 6 شهور
كبدى ب
دفتريا و تيتانوس و سعال ديكى
انفلونزا بكتيريه
و شلل الاطفال اما بالحقن او بالفم و الاهم فيهم اللى بيتاخد عضل لكن مش موجود عندنا فى مصر

و الاضافى اللى المفروض انه مهم جداااااااااااااااااا
المكور الرئوى عند 2 و 4 و 6
و الروتا 2 و 4 او فى اى ميعادين بينهم شهر على الاقل و اقل من الشهر الثامن

و عند 9 شهور
فى مصر بيقولوا بيتاخد نقط شلل اطفال و نقط فيتامين أ و دا طبعا مسخره السنين
المفروض
الحصبه هو اللى بيتاخد
و تبع الجدول الجديد للتطعيمات بيتاخد الحمى الشوكيه فى اى يوم مابين الشهر التاسع و حتى سنتين
نكمل الكلام
عند سنه
حقنه تطعيم سنه
فيها
حصبه و حصبه المانى و غده نكافيه
و الجديرى اللى بيتاخد على جرعتين بينهم 3 شهور على الاقل
و الكبدى أ اللى بيتاخد على جرعتين بيهم 6 شهور يعنى على سنه و سنه و نصف
و اخيرا اللى عند سنه و نص خلاص كلنا عارفينها

للأسف التطعيمات المهمه
مش نازله اساسى
لازم نروح ندفع تمنها
مابين 150 الى 400 فى التطعيم الواحد

ممكن اتأخر فى التطعيم
ممكن لكن
اى تطعيم بيأثر فى الجرعه اللى بعده
و لازم منطولش علشان الجرعه المكمله بتكون تنشيطيه للجرعه الاولى

و فيه حاجه نسيت اقولها
تطعيم الانفلونزا الموسميه
اللى بنعطيه للاطفال بدايه من 6 شهور
فى كل سنه اول سبتمبر و لحاد اخر فبراير

اللى طفله مأخدوش قبل كدا
محتاج ياخد جرعتين بينهم شهر
و اللى اخده
يبقى كل سنه فى نفس الموسم
محتاج ياخد جرعه تنشيطيه كل سنه

 منقول د\ هاني عصام